نتذوق ونختار كل ماتشا بناءً على اللي تقدمه في الكوب، مو لمجرد تصنيف أو مسمى تسويقي.
وحيدة المنشأ والصنف، حصاد أول
ماتشا من القطفة الربيعية، من منشأ وصنف واحد، عشان يبرز طابع كل محصول مثل ما هو.
أصناف مو معتادة
ندور على أصناف لها طابعها الخاص، ومنها النادر واللي مو سهل تلقاه.
من المزرعة مباشرة
نختار محاصيلنا بأنفسنا من مزارع يابانية صغيرة وعائلية، مباشرة من مصدرها.
لا تنسى متابعتنا
بوسـتـات الانـستـقــرام
thefunction.sa@
تقييمات حقيقية
الأسئلة الشائعة
إجابات على أكثر الأسئلة شيوعاً
ماتشا ذا فنكشن دائمًا يابانية. رحنا اليابان بأنفسنا، لأننا من البداية ما كنا نبي نختار لكم ماتشا ما نعرف قصتها. زرنا مزارع شاي صغيرة وعائلية عشان نتعرف على المزارعين ونجرب المحاصيل من مصدرها. نختار محاصيلنا مباشرة من المزارع اللي نشتغل معها، مو عن طريق مورد أو وسيط، ونركز على محاصيل مميزة وأصناف بعضها نادر ومو موجودة فكل مكان.
ما نختار الماتشا من كتالوج وبس. نجرب المحاصيل، نتعرف على الصنف والمزرعة وطريقة زراعته، ونختار اللي فعلًا نحب طعمه ونشوف إن له شخصية تستاهل نشاركها معكم. عشان كذا ممكن تشوفون عندنا أصناف مختلفة، وكل واحد له طعمه وتجربته الخاصة.
مصطلحات مثل احتفالي أو سريمونيال مو معيار معتمد لتقييم جودة الماتشا، ولا هي تصنيفات رسمية مستخدمة في اليابان، بل مصطلحات تسويقية ما لها معايير ثابتة. الماتشا اللي نوفرها تندرج ضمن أعلى الجودات اللي يُطلق عليها تسويقيًا احتفالية، لكن نفضل نعرّفكم على جودتها بالطريقة الأدق: المنشأ، الصنف، موسم ووقت الحصاد، طريقة الطحن، وطابع المحصول، بدل ما نعطيها تصنيف تسويقي.
يعني الماتشا جاية من مزرعة أو منطقة واحدة ومن محصول واحد محدد، مو خليط من محاصيل أو مصادر مختلفة. كذا تقدرون تذوقون طابع المحصول نفسه بوضوح، وتلاحظون الفروقات في النكهة، الأومامي، الحلاوة، القوام والرائحة.
الماتشا تكون بأفضل نكهة ولون ورائحة وهي فريش، لذلك ننصح باستهلاكها خلال شهر إلى شهرين من فتح العبوة. بعد الفتح، احفظوها محكمة الإغلاق في مكان بارد وبعيدة عن الرطوبة والضوء والروائح القوية. وإذا حفظتوها بالثلاجة، خلو العبوة توصل لدرجة حرارة الغرفة وهي مقفلة قبل فتحها، عشان ما تتكوّن رطوبة داخلها.
